Әдетте, қорғалатын зияткерлік меншікті үшінші тарап құқық иесінің рұқсатынсыз пайдаланған кезде зияткерлік меншік құқығын бұзу орын алады. Көпшілік арасында таралған қате пікірге қарамастан, құқық бұзушыға айналу сіз ойлағаннан оңай. Жұмыстың қорғалғанын білмеу немесе елемеу ақталуға жатпайды.
Тіпті берілген патенттің өзі өнертабысты коммерцияландыру еркіндігіне кепіл болмайды. Көптеген адам өздерінің ЗМ қорғаса және басқа адамдардың идеяларын көшірмесе, құқық бұзудан қорғалғанмын деп ойлайды, бірақ олай емес. Патенттік қорғау жай ғана сіздің патенттелген өніміңізді сіздің келісіміңізсіз өзгелердің коммерциялық мақсатта пайдалана алмайтынын білдіреді, бірақ бұл сіздің өз өніміңізді басқа адамдардың патенттерін бұзу қаупінсіз пайдалана алатыныңызды білдірмейді
Патенттік құқықты бұзу жағдайлары таңғаларлық жиілікпен кездеседі және жеке адамдардан бастап алпауыттарға дейін бұдан тыс болмауы мүмкін. Мысалы, Xbox ойын консолінде қолданылатын технологияға қатысты Google мен Microsoft арасындағы бес жылдық патенттік күресті алайық.
ЗМ құқын бұзу өте қиын мәселе, ондай айып қаржылық шығынға немесе түрмеге қамалуға дейін әкелуі мүмкін. Сіз идеяңыздың немесе өніміңіздің нарыққа шығу қауіпсіздігіне сенімді болмасаңыз, патенттік құқық бұзушылықтың ықтималдығын анықтауға көмектесетін кәсіби патенттік сенім білдірілген өкілден кеңес алуды ұсынамыз.
