01.01.2024 бастап интеллектуалды меншік объектілерін міндетті декларациялау
12/12/2023
2024 жылғы 1 қаңтардан бастап Қазақстан Республикасында жалпыға бірдей декларациялаудың үшінші кезеңі жұмыс істей бастайды. Осы үдеріс шеңберінде заңды тұлғалардың басшылары, құрылтайшылары (қатысушылары) және жеке кәсіпкерлер, сондай-ақ олардың жұбайлары "активтер мен міндеттемелер туралы декларацияны" (250.00 форма) өткізуге міндетті.
Интеллектуалды меншік және авторлық құқық объектілерін қоса алғанда, Қазақстан Республикасындағы және одан тыс жерлердегі әртүрлі мүлік 250.00 формада декларациялауға жатады. Егер сізде қандай да бір интеллектуалды меншік объектілері болса, онда бұл ақпаратты 250.00 формасының екінші парағында 9-бағандағы "В" бөлімінде көрсету, сондай-ақ № 5 (Ф2550.05) қосымшаны толтыру қажет.
250.00 нысаны мемлекеттік кірістер органдарына 15 шілдеден кешіктірмей қағаз түрінде немесе 15 қыркүйектен кешіктірмей "салық төлеушінің кабинеті" веб-қосымшасы арқылы электрондық түрде ұсынылуы тиіс (cabinet.salyk.kz) немесе e e-Salyq Аzamat, еGov mobile, Halyk мобильді қосымшалары арқылы.
Сондай-ақ, декларацияны уақтылы ұсынбағаны үшін ескерту қарастырылғанын хабарлаймыз. Қайта бұзылған жағдайда жыл ішінде 15 АЕК мөлшерінде айыппұл салынатын болады.
Қосымша кеңес алу үшін тіркеу орны бойынша салық органына хабарласыңыз.
Біздің мамандар Сізге зияткерлік меншік объектілерін Қазақстан Республикасының ішінде ғана емес, сізді қызықтыратын кез келген басқа елде тіркеуге көмектесуге дайын. Біз әрқашан заңнамадағы соңғы өзгерістерден хабардармыз және клиенттерімізге ең тиімді шешімдерді ұсынуға дайынбыз.
Барлық жаңалықтарға оралу
